Auto-Starting Apps නවත්වන්නේ කෙසේද?

Auto-Start Apps යනු ස්වයංක්‍රීයව ආරම්භ වන Applications ය. බොහෝ වශයෙන් මේවාට අයත් වන්නේ Antivirus No GUI Launches, Driver Software bootup, සහ අනෙකුත් මෘදුකාංග ය. එහෙත් මෙලෙස ස්වයංක්‍රීයව ආරම්භ වීමට Virus, Malware, වැනි හානිදායක වැඩසටහන් වලටද හැකියාවක් ඇත. එවැනි අවස්ථා අවම කරගන්නා අකාරය මෙම ලිපිය කියවීමෙන් ඔබට වැටහෙනු ඇත.

පහතින් ක්‍රම කිහිපයක්ම දක්නට ඇත. ඒවා භාවිතයෙන් AutoStartup Apps නවත්වාගන්න


1. Windows 8, 8.1, 10 වැනි සංස්කරණ වලට අපට Task Manager නම් වැඩසටහනක් මගින් මෙම කාර්‍ය කරගත හැක. ඒ සඳහා Taskbar එක තුලට Right Click කර Task Manager නම් menu එක තෝරාගන්න. ඉන්පසු ලැබෙන Window එකෙන්, Startup නම් Tab එකට යොමු වෙන්න. ඉන්පසු ඔබගේ පරිගණකයේ ස්වයංක්‍රීයව ආරම්භවන වැඩසටහන් දැක ගත හැකි වනු ඇත.

2. Registry Editor එක භාවිතයෙන් මෙය සිදු කරන ආකාරය මෙන්න, පළමුව Run නම් වැඩසටහන් ආරම්භ කරගන්න, ඉන්පසු එහි regedit ලෙස ලියා Enter යතුර ඔබන්න. මෙවිට ඔබට Registry Editor නම් වැඩසටහනක් විවෘත වෙනු ඇත. එහි HKEY_LOCAL_MACHINE\SOFTWARE\Microsoft\Windows\CurrentVersion\Run නම් Key එක විවෘත කරගන්න. එහි ඇත්තේ ඔබගේ පරිගණකයේ Auto-Start වන වැඩසටහන්‍ ය. එවැනි Sub-Keys Delete කරමින් ඔබට ඔබගේ පරිගණකයේ ස්වයංක්‍රීයව ආරම්භ වෙන වැඩසටහන් පාලනය කරගත හැකිය.

3. Windows තුලද මේ සඳහා විශේෂ Folder එකක් ඇත ඒනම් Startup Folder එකයි. එය ඇත්තේ මෙම URL එකේය, C:\ProgramData\Microsoft\Windows\Start Menu\Programs\StartUp

4. CCleaner වැනි 3rd Party Application එකක් භාවිතා කොටද ඔබට මේ කාරණයේදී විසඳුමක් කරා ලඟා විය හැකිය. CCleaner, Advanced System Care වැනි System Optimization Software භාවිතයෙන් Startup Apps නැවැත්විය හැකිය. මෙවැනි වැඩසටහන් අන්ත්ර්ජාලයේ ඇතිතරම් ඇත. ඔබ කලයුත්තේ Google හෝ ඔබ කැමති Search Engine එක තුල "System Optimization Software Free Download" වැනි පාඨයක් Search කිරීමයි